पटना में गूंज रह्लय हैं मगही के स्वर, दू रोज के महोत्सव होल्य शुरू, भाषा, साहित्य आरो सिनेमा के हय अनोखा आयोजन

Magahi Mahotsav : पटना के बापू टावर में 28 आ 29 मार्च के दिन दू दिन तक चलइ वाला “मगही महोत्सव 2026” के भव्य शुरुआत सनीचर के हो गइले, ई महोत्सव मगही भाषा, साहित्य, लोक कला आ सांस्कृतिक धरोहर के राष्ट्रीय स्तर पर पहचान दिलावे के दिशा में एगो महत्वपूर्ण पहल मानल जा रहलय हैं।

महोत्सव के उद्घाटन बिहार विधानसभा के अध्यक्ष डॉ. प्रेम कुमार, मगध विश्वविद्यालय के मगही प्रोफेसर डॉ. किरण शर्मा, मगही कनेक्शन के उपाध्यक्ष रविशंकर, डॉ. उज्ज्वल कुमार आ विजेता चंदेल सहित कई गो गणमान्य लोग के मौजूदगी में होल्य।

पहिला दिन कार्यक्रम के शुरुआत गया घराना के शास्त्रीय गायकी से होलो, जे मगही अंचल के समृद्ध संगीत परंपरा के झलक देलकय। आइये रोज मगही भाषा के इतिहास, विकास आ साहित्यिक विरासत पर को गो विमर्श आ परिचर्चा के आयोजन कइल गइले। मगही के विद्वान लोग मगही के प्राचीन जड़, लोकजीवन से जुड़ल अभिव्यक्ति आ ओकर साहित्यिक ताकत पर विस्तार से बात रखलखिन।

दूसरका दिन के आयोजन मगही सिनेमा आ संगीत के इतिहास के समर्पित हय। एतबार रोज “मगही फिल्म फेस्टिवल” के तहत 50 से ज्यादा लघु फिल्म में से चुनल फिल्मन के प्रदर्शन होतय , जेकरा में से तीन गो बेहतरीन फिल्म के सम्मानित कइल जयत।

समापन सत्र में चर्चित मगही फिल्म “भैया व स्वाहा” के विशेष स्क्रीनिंग भी होत्य, जे दर्शकन लगी खास आकर्षण बनतो। एकरा अलावा आयोजन स्थल पर मगध क्षेत्र के प्रमुख पर्यटन जग्गह के फोटो प्रदर्शनी आ मगही किताब सभे के प्रदर्शनी भी लगवल गइलय हैं । प्रसिद्ध फोटो जर्नलिस्ट रूपक सिन्हा, जितेंद्र कुमार आ जुलकर नैन अपन-अपन खास फोटो प्रदर्शनी पेश करत नजर ऐथिन ।

आयोजक मंडली के कहना हन कि ई महोत्सव ना सिर्फ मगही भाषा के गौरवशाली इतिहास के सामने लावे के प्रयास हय, बलुक नई पीढ़ी में अपन भाषा आ संस्कृति के प्रति जागरूकता बढ़ावे के एगो सशक्त मंच भी बन रहलय हैं।